ဂျေဒိုက်ကျောကိစိမ်းတွင်အစိမ်းရည်ဝင်ပုံများကို
လေ့လာကြည့်သောအခါအစိမ်းရောင်အတည့်
အရည်ဟူ၍တွေ့ရဖို့ခဲယဉ်းလှပါသည်။
အစိမ်းရောင်ကို အပြာရောင်ရောနှောခြင်း ပြာစိမ်း
အစိမ်းရောင်ကို အဝါရောင်ရောနှောခြင်း ကို ဝါစိမ်း
အစိမ်းရောင်ကို အညိုရောင်ရောနှောခြင်း ညိုစိမ်း
အစိမ်းရောင်ကို အမည်းရောင်ရောနှောခြင်း မည်းစိမ်း အဖြစ်တွေ့ကြရသည် ။
ကျောက်စိမ်းတွင် အစိမ်းရောင်တည့်တည့် အရည်သည်လွန်စွာတန်ဖိုး ကြီးလှပေသည် ။ ကျောက်အလုံးပေါင်းထောင်သောင်းများမှတစ်လုံး
တစ်လေသာတွေ့ရတတ်သည် ။
အစိမ်းရောင်တွင်အဝါရောင်ရောနေလျှင် ''ပဲစိမ်း ''
ဟုခေါ်ကြသည်။
အဝါဘက်မှလာသောအစိမ်းကို''ပဲတက်''ဟုခေါ်ကြ
သည်။
အပြာဘက်မှလာသောအစိမ်းကိုမူ''လန့်တက်''
ဟုခေါ်သည်။အညိုနှင့်အမည်းရောသောအစိမ်းမှာမလှသဖြင့်
လူကြိုက်နည်းသည်။
အစိမ်းပုတ်မှာကန်စွန်းစိမ်းနှင့်တူသည်။
စိမ်းပုံစိမ်းနည်းများမှာကျောက်စိမ်းတစ်တုံးနှင့်
တစ်တုံးမတူပဲအခြားကာလာများအနည်းအများ
ရောနှောနေခြင်းကြောင့်တန်ဖိုးများကွာခြားလွန်း
လှသည်။
စိမ်းပြာ ( လန့်တက် )
>>>>>>>>>>>
အပြာဘက်မှလာသောအစိမ်းကို ''လန့်တက်''
ဟုခေါ်ကြသည်။ စိမ်းပြာလန့်တက်ကို လောပန်းလောင်းများကြိုက်ကြသည်။
''လန့်တက်''သည် အလင်းရောင်ပမာဏအား
မကောင်းလျှင်မလှပေ။စိမ်းပြာ ''လန့်တက်''သည်
နေ့လည်နေရောင်တောက်တောက်တွင်ပို၍လှသည်။
အလင်းရောင်အားကောင်းသော နိုင်ငံများမှ
လောပန်းကြီးများကညို့နေသောအရည်ကြီး
''လန့်တက်'' ကိုပို ကြိုက်ကြသည်။
သို့သော်တော်ရုံတန်ရုံ လူကမူညို့့နေသော
လန့်တက်ကိုမကြိုက်ကြပေ။
အလင်းရောင်ပမာဏအားကောင်းလျှင်
''လန့်တက်''အရည်သည်အလှဆုံးအရည်ကြီးဖြစ်နေ
၍ ပိုကြိုက်ကြခြင်းဖြစ်သည်။ လန့်အပြာအရည်များ
လွန်းလျှင်လည်ကောင်းအညို များပါလျှင်လည်ကောင်း
ထိုကာလာကိုကျောက်ဝါးဟုခေါ်ကြသည်။
ကျောက်ဝါးသည် တာချီလိတ်ခွင်ဖြစ်သည်။
ကျောက်ဝါးကို အလင်းရောင်းကောင်းသောနေရာ
တွင် ပြရောင်းကြသည်။ အလင်းရောင်ပဏာကောင်းသောနေရာတွင်လှ၍
ပဏာမကောင်းသောနေရာတွင်လှချင်မှလှပေမည်။
စိမ်းပြာရည်ကိုရွေနှင့်ကွင်းလျှင်ရွေ၏အဝါရောင်
ဟပ်မူ့ကြောင့်စိမ်းဝါရည်သို့ပြောင်းလဲပြီးအရည်
ပိုလှသည်။အလင်းရောင်အားကောင်းသောအရှေ့ တိုင်းသားများကပို၍ကြိုက်နှစ်သက်ကြသည်။
စိမ်းဝါ ( ပဲတက် )
>>>>>>>>>>>
အဝါဘက်မှလာသောအစိမ်းကို''ပဲတက်"
ဟုခေါ်ကြသည် ။
အစိမ်းကို အဝါရောနေလျှင် "ပဲစိမ်း"ဟုခေါ်ကြသည်။
ယခုအတွေ့များသည်မှာ '' စိမ်းဝါ ''ပဲတက္ကိုသာ
တွေ့နေရသည်။
''ပဲတက်''သည်အဝါဘက်များလျှင်အဖြူ စက်ပါ
တတ်သည်။
မီးရောင်နေရောင်နှင့်ကြည့်မှဆန်ကိုတွေ့သည်။
အလင်းရောင်နည်းသောဒေသများမှာ စိမ်းဝါ ''ပဲတက်''ကိုပိုကြိုက်ကြသည်။
အစိမ်းတွင်အဝါရောနေသော အဝါရည်သန်သော စိမ်းဝါရည်သည် နံနက်နှင့် ညနေနေနုနုတွင်ပိုလှသည်။ ထိုအချိန်တို့တွင်တစ်ရည်ပိုတက်သည်။အစိမ်းပိုရင့်လာသည်။အရည်ကြီးရလာသည်။
''ပဲတက်''သည် နေရောင်နုနု ကို ပိုကြိုက်သည် ။
နေရောင်ရင့်သွားလျှင်'' ပဲတက်''သည် ကာလာလျော့သွားသည်။
စိမ်းဝါရည်ကိုရွေနှင့်ကွင်းလျှင်ရွေ၏အဝါရောင်ဟပ်မူ့
့ကြောင့်အရည်ပိုနုသွားတတ်သည်။ တစ်ရည်ပိုကျသွားတတ်သည် ။
ရွေနဲ့အထည်ခတ်မည်ဆိုလျှင်အောက်မှအလင်းမဝင်
နိုင်အောင် အိုးပိတ်ပုံလုပ်ရသည်။ စိမ်းဝါရောင်ကျောက်စိမ်းကိုအလင်းရောင်နည်းသော
ရာသီဥတုရှိသည့်အနောက်တိုင်းရင်းသားများက
ပို၍နှစ်သက်ကြသည်။
အစိမ်းတည့်အရည်ကြီး
>>>>>>>>>>>>>>>>>
အဝါမတိမ်း၊အပြာမတိမ်းဘဲအစိမ်းတွင်အဝါနှင့်
အပြာညီမျှစွာ ပါဝင်နေသော အစိမ်းရောင် အရည်တည့်သည် မည်သည့်အချိန် မည်သည့်နေရာတွင်
ဖြစ်စေ၊ နံနက် ၊ နေ့လည် ၊ ညေန၊ နွေမိုးဆောင်း မည်သို့ပြောင်းပြောင်း မည်သည့်အချိန်တွင်မဆို
လူကြိုက်များသော အရည်ဖြစ်သည်။
မည်သည့်အချိန်ကြည့်ကြည့် အစိမ်း ကာလာသည် ပြောင်းမသွား အရည်လျော့မသွားပဲ အစိမ်းတည့် အရည်အတိုင်းတွေ့ ရသည်။
ထိုသို့ အစိမ်းတည့်အရည်မျိုးကား
တွေ့ရဖို့ မလွယ်ကူပေ။ ရခဲလှပါသည်။
ပြန်လည် မျှဝေခြင်း ဖြစ်ပါသည် . .
